ചെന്നൈ: വിവാഹമോചിതരാകുകയാണെന്ന് അറിയിച്ച ധനുഷിനെയും ഐശ്വര്യയെയും വീണ്ടും ഒരുമിപ്പിക്കാന് ശ്രമങ്ങളുമായി സൂപ്പര് സ്റ്റാര് രജനീകാന്ത്. രജനീകാന്ത് ഇരുവരെയും വീണ്ടും ഒന്നിപ്പിക്കാനുളള ശ്രമങ്ങള് നടത്തുകയാണ് എന്നാണ് അവരുടെ കുടുംബത്തോട് അടുത്ത വൃത്തങ്ങള് അറിയിക്കുന്നത്. ഐശ്വര്യയും ധനുഷും തമ്മില് അഭിപ്രായവ്യത്യാസങ്ങളോ വഴക്കുകളോ ഇല്ലാത്തതിനാല് അവരെ വീണ്ടും ഒന്നിപ്പിക്കാനാവും എന്നാണ് കുടുംബാംഗങ്ങളും ആരാധകരും പ്രതീക്ഷിക്കുന്നത്.
കുറച്ചുദിവസങ്ങള്ക്കുമുന്പാണ് നടന് ധനുഷും സംവിധായികയും രജനീകാന്തിന്റെ മകളുമായ ഐശ്വര്യയും വേര്പിരിയുകയാണെന്ന വാര്ത്ത പുറത്തുവന്നത്. ഇരുവരും സമൂഹമാധ്യമങ്ങളിലൂടെയാണ് ഇക്കാര്യം അറിയിച്ചത്. പരസ്പരമുളള മനസിലാക്കലിന്റെയും വളര്ച്ചയുടെയും കാലമായിരുന്നു കഴിഞ്ഞുപോയതെന്നും ഇപ്പോള് തങ്ങള്ക്ക് വേര്പിരിയേണ്ട സമയമായി എന്നുമാണ് ഇരുവരും പോസ്റ്റ് ചെയ്ത കുറിപ്പിലൂടെ പറഞ്ഞത്. എന്നാല് വിവാഹമോചിതരാകാനുളള ഐശ്വര്യയുടെയും ധനുഷിന്റെയും തീരുമാനത്തെ ഇരുവരുടെയും കുടുംബങ്ങള് അംഗീകരിച്ചിട്ടില്ല എന്നാണ് പുറത്തുവരുന്ന റിപ്പോര്ട്ടുകള് വ്യക്തമാക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നേരത്തെ, ധനുഷും ഐശ്വര്യയും വിവാഹമോചിതരാകുന്നു എന്ന വാര്ത്ത വാസ്തവമല്ലെന്ന് ധനുഷിന്റെ പിതാവ് കസ്തൂരിരാജ പ്രതികരിച്ചിരുന്നു. അവര് തമ്മില് ചെറിയ ചില പ്രശ്നങ്ങള് മാത്രമാണുളളത്. എല്ലാ കുടുംബങ്ങളിലും ഭാര്യാ ഭര്ത്താക്കന്മാര് തമ്മിലുണ്ടാവുന്ന പ്രശ്നങ്ങളാണ്. അവരുമായി സംസാരിച്ചിരുന്നു. പ്രത്യക്ഷത്തില് വിവാഹമോചനമല്ല അവര് പ്രഖ്യാപിച്ചത് എന്നാണ് കസ്തൂരി രാജ പറഞ്ഞത്. തമിഴ് ദിനപത്രമായ ഡെയിലി തന്തിക്ക് നല്കിയ അഭിമുഖത്തിലായിരുന്നു അദ്ദേഹം ഇക്കാര്യം വ്യക്തമാക്കിയത്.