മലപ്പുറം: നടന് ലുക്മാന് അവറാന് വിവാഹിതനായി. മലപ്പുറം പന്താവൂരില്വെച്ച് കുടുംബാംഗങ്ങളുടെയും സുഹൃത്തുക്കളുടെയും സാന്നിദ്ധ്യത്തിലായിരുന്നു വിവാഹം. ജുമൈമയാണ് വധു. വിവാഹത്തില് സിനിമാ മേഖലയില് നിന്നുളള നിരവധി പേര് പങ്കെടുത്തിരുന്നു. വിവാഹത്തിന്റെ വീഡിയോ സമൂഹമാധ്യമങ്ങളില് വൈറലാണ്. ചുരുക്കം സിനിമകളിലൂടെ തന്നെ മലയാള സിനിമാപ്രേക്ഷകര്ക്കിടയില് ശ്രദ്ധേയനായയാളാണ് ലുക്മാന്. പൃഥ്വിരാജ് നായകനായെത്തിയ സപ്തമശ്രീ തസ്കരയാണ് ലുക്മാന്റെ ആദ്യ ചിത്രം.
പിന്നീട് കെ എല് 10 പത്ത്, പോപ്പ്കോണ്, കലി, വളളീംതെറ്റി പുളളീം തെറ്റി, സുഡാനി ഫ്രം നൈജീരിയ, കെയര് ഓഫ് സൈറാ ബാനു, വൈറസ്, കക്ഷി അമ്മിണിപ്പിളള, ഉണ്ട, ഓപ്പറേഷന് ജാവ തുടങ്ങിയ ചിത്രങ്ങളില് ശ്രദ്ധേയ കഥാപാത്രങ്ങളെ അവതരിപ്പിച്ചു. 2019-ല് പുറത്തിറങ്ങിയ മമ്മൂട്ടി ചിത്രം ഉണ്ടയിലെ ബിജുകുമാര് എന്ന കഥാപാത്രത്തിന് വലിയ സ്വീകാര്യതയാണ് ലഭിച്ചത്. സഹപ്രവര്ത്തകരില് നിന്ന് ജാതീയവിവേചനങ്ങള് നേരിടുന്ന ആദിവാസി യുവാവായാണ് ലുക്മാന് ചിത്രത്തില് അഭിനയിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തരുണ് മൂര്ത്തി സംവിധാനം ചെയ്ത ഓപ്പറേഷന് ജാവയാണ് ലുക്മാന് നായകവേഷത്തിലെത്തിയ ചിത്രം. ലുക്മാനും ബാലു വര്ഗ്ഗീസുമാണ് ചിത്രത്തിലെ നായക കഥാപാത്രങ്ങളെ അവതരിപ്പിച്ചത്. ഐശ്വര്യ ലക്ഷ്മി പ്രധാന കഥാപാത്രമായെത്തിയ അര്ച്ചന 30 നോട്ട് ഔട്ട്, മോഹന്ലാല് ചിത്രം ആറാട്ട് എന്നിവയാണ് ലുക്മാന് അഭിനയിച്ച് അവസാനമായി പുറത്തിറങ്ങിയ ചിത്രങ്ങള്.