കാസര്ഗോഡ്: തലശേരി പുന്നോലില് സി പി എം പ്രവര്ത്തകന് ഹരിദാസനെ വെട്ടിക്കൊലപ്പെടുത്തിയ കേസില് നാല് ആര് എസ് എസ് പ്രവര്ത്തകര് അറസ്റ്റില്. സി കെ അര്ജുന്, കെ അഭിമന്യു, സി കെ അശ്വന്ത്, ദീപക് സദാനന്ദന് എന്നിവരാണ് അറസ്റ്റിലായത്. ഫോറന്സിക് സംഘം നടത്തിയ പരിശോധനയില് ദീപക്കിന്റെ വീട്ടില് രക്തക്കറ കണ്ടെത്തിയിരുന്നു.
കേസുമായി ബന്ധപ്പെട്ട് നേരത്തെ നാല് ആര് എസ് എസ് പ്രവര്ത്തകരെ അറസ്റ്റ് ചെയ്തിരുന്നു. ബിജെപി മണ്ഡലം പ്രസിഡന്റ് ലിജേഷ്, വിമിന്, അമല് മനോഹരന്, സുമേഷ് എന്നിവരെയാണ് അന്വേഷണസംഘം അറസ്റ്റ് ചെയ്തിരുന്നത്. ഇവരെ പൊലീസ് കസ്റ്റഡിയില് വാങ്ങി ചോദ്യം ചെയ്യല് നടക്കുന്നതിനിടെയാണ് മറ്റ് നാലുപേരുടെ അറസ്റ്റ്. ഇതോടെ ഹരിദാസ് വധക്കേസില് അറസ്റ്റിലായവരുടെ എണ്ണം എട്ടായി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഫെബ്രുവരി 21-ന് പുലര്ച്ചേ മൂന്നുമണിയോടെയാണ് ഹരിദാസ് കൊല്ലപ്പെട്ടത്. മത്സ്യത്തൊഴിലാളിയായ ഹരിദാസ് ജോലികഴിഞ്ഞ് മടങ്ങവെ രണ്ട് ബൈക്കുകളിലായെത്തിയ സംഘം അദ്ദേഹത്തെ വെട്ടിക്കൊലപ്പെടുത്തുകയായിരുന്നു. പുന്നോലില് ക്ഷേത്രത്തിലെ ഉത്സവവുമായി ബന്ധപ്പെട്ട് നടന്ന സംഘര്ഷമാണ് ഹരിദാസിന്റെ കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
