കൊച്ചി: ഹൃദയസംബന്ധമായ അസുഖത്തെ തുടർന്ന് കൊച്ചിയിലെ സ്വകാര്യ ആശുപത്രിയില് ചികിത്സയില് കഴിയുന്ന നടന് ശ്രീനിവാസന്റെ ആരോഗ്യ നില തൃപ്തികരമാണെന്ന് ആശുപത്രി അധികൃതര് അറിയിച്ചു. ശരീരം മരുന്നുകളോട് പ്രതികരിക്കുന്നുണ്ടെന്നും വെന്റിലേറ്റർ സംവിധാനം മാറ്റിയെന്നും തീവ്രപരിചരണ വിഭാഗത്തിലാണ് ഉള്ളതെന്നും ആശുപത്രി പുറത്തിറക്കിയ ബുള്ളറ്റില് പറയുന്നു. മാര്ച്ച് 30- നാണ് ഹൃദയസംബന്ധമായ അസുഖത്തെ തുടർന്ന് അങ്കമാലി അപ്പോളോ അഡ്ലക്സ് ആശുപത്രിയില് ശ്രീനിവാസനെ പ്രവേശിപ്പിച്ചത്. തുടര്ന്ന് നടത്തിയ പരിശോധനയിലാണ് അദ്ദേഹത്തിന് ട്രിപ്പിള് വെസ്സല് ഡിസീസ് കണ്ടെത്തുകയും ബൈപാസ് സര്ജറിക്ക് വിധേയമാക്കുകയും ചെയ്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ശ്രീനിവാസന് പ്രധാന കഥാപാത്രത്തെ അവതരിപ്പിക്കുന്ന 'ലൂയിസ്' എന്ന ചിത്രത്തിന്റെ ഷൂട്ടിംഗ് പുരോഗമിക്കുകയാണ്. ശ്രീനിവാസന് ഇതുവരെ അഭിനയിച്ച കഥാപാത്രങ്ങളില് നിന്നും തികച്ചും വേറിട്ട് നില്ക്കുന്ന ഒരുകഥാപാത്രത്തെയാണ് ലൂയിസില് അവതരിപ്പിക്കുന്നതെന്നാണ് അണിയറപ്രവര്ത്തകര് അവകാശപ്പെടുന്നത്. വാഗമണ്, കോന്നി എന്നിവടങ്ങളിലാണ് സിനിമയുടെ ചിത്രീകരണം നടക്കുന്നത്. നവാഗതനായ ഷാബു ഉസ്മാൻ കോന്നിയാണ് ചിത്രത്തിന്റെ കഥയും സംവിധാനവും നിര്വഹിക്കുന്നത്. സായ്കുമാർ, ജോയ് മാത്യൂ, മനോജ് കെ ജയൻ എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
