ഡല്ഹി: രാജ്യത്തെ തൊഴിലില്ലായ്മക്കും വിലക്കയറ്റത്തിനുമെതിരെ രാജ്യവ്യാപക പ്രതിഷേധത്തിനൊരുങ്ങി ഇന്ത്യന് നാഷണല് കോണ്ഗ്രസ്. അഗസ്റ്റ് 5-ന് ഡല്ഹി പ്രദേശ് കോണ്ഗ്രസ് കമ്മിറ്റിയുടെ നേതൃത്വത്തില് പ്രധാനമന്ത്രിയുടെ വസതി ഉപരോധിക്കുമെന്നും നേതൃത്വം അറിയിച്ചു. അതോടൊപ്പം, രാഷ്ട്രപതി ഭവനിലേക്ക് കോണ്ഗ്രസ് എം പിമാരും മുതിര്ന്ന നേതാക്കളും ചേര്ന്ന് പ്രതിഷേധ മാര്ച്ച് നടത്തും. ഈ സമയം സംസ്ഥാന തലസ്ഥാനങ്ങളില് ഗവര്ണര്മാരുടെ വസതികളുടെ മുന്നിലും പ്രതിഷേധം ശക്തമാക്കാന് കോണ്ഗ്രസ് തീരുമാനിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജ്ഭവന് സമ്മേളനത്തില് മുതിര്ന്ന നേതാക്കള്ക്കൊപ്പം എം.എല്.എ.മാരും എം.എല്.സി.മാരും മുന് എം.പി.മാരും പങ്കെടുക്കും. ഒപ്പം മണ്ഡലം, ബ്ലോക്ക് ജില്ലാ തലങ്ങളില് പ്രതിഷേധം സംഘടിപ്പിച്ച് നേതാക്കളും ജനപ്രതിനിധികളും അറസ്റ്റ് വരിക്കണമെന്ന് ഹൈക്കമാന്ഡ് നിര്ദ്ദേശം നല്കി. കോണ്ഗ്രസ് നേതാവ് അധിര് രഞ്ജന് ചൗധരിയുടെ 'രാഷ്ട്രപത്നി' പ്രയോഗത്തിന്റെ ഭാഗമായി സോണിയ ഗാന്ധിക്കെതിരെ ബിജെപി നേതാക്കള് അപമാനകരമായ പരാമര്ശങ്ങള് നടത്തിയതാണ് പ്രധാനമന്ത്രിയുടെ വസതിയടക്കമുള്ളയിടങ്ങളില് പ്രതിഷേധം സംഘടിപ്പിക്കാന് കോണ്ഗ്രസ് തീരുമാനിച്ചതെന്നാണ് ദേശിയ മാധ്യമങ്ങള് റിപ്പോര്ട്ട് ചെയ്യുന്നത്.
