കൊച്ചി: ദുല്ഖര് സല്മാന് നായകനായി എത്തിയ സീതരാമം മൂന്നുദിവസം കൊണ്ട് ആഗോള ബോക്സ് ഓഫിസ് കളക്ഷൻ മുപ്പത് കോടി നേടിയെന്ന് റിപ്പോര്ട്ട്. മലയാളം, തമിഴ്, തെലുങ്ക് എന്നീ ഭാഷകളില് പുറത്തിറക്കിയ ചിത്രത്തിന് മികച്ച പ്രതികരണമാണ് ലഭിക്കുന്നത്. തെലുങ്ക് ഇന്ഡസ്ട്രിയില് ഒരു മലയാളി നടന്റെ ചിത്രം ഇത്രയധികം കളക്ഷന് നേടുന്നത് ആദ്യമായിട്ടാണ്. സീതാരാമത്തിലൂടെ യുഎസിൽ ആദ്യദിനം ഏറ്റവും കൂടുതൽ കളക്ഷൻ നേടുന്ന മലയാളി താരവും ദുല്ഖറാണ്. ഓഗസ്റ്റ് അഞ്ചിനായിരുന്നു ലോകമെമ്പാടുമുള്ള തിയേറ്ററുകളിൽ സീതാരാമം റിലീസ് ചെയ്തത്. കേരളത്തില് ആദ്യ ദിനം 350 ഷോകളായിരുന്നുവെങ്കില് മൂന്നാം ദിവസം 500 - ലധികം തിയേറ്ററുകളിലാണ് സിനിമ പ്രദര്ശിപ്പിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
റൊമാന്റിക് ഡ്രാമ വിഭാഗത്തിലാണ് ചിത്രം ഒരുക്കിയിരിക്കുന്നത്. ചിത്രത്തിൽ ലെഫ്റ്റനന്റ് റാം എന്ന കഥാപാത്രത്തെയാണ് ദുൽഖർ അവതരിപ്പിക്കുന്നത്. ഹാനു രാഘവപുഡിയാണ് സിനിമ സംവിധാനം ചെയ്യുന്നത്. ദുൽഖർ സൽമാന് പുറമേ, മൃണാൾ താക്കൂർ, രശ്മിക മന്ദാന, സുമന്ത് എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. മഹാനടിയുടെ വിജയത്തിനു ശേഷം ദുല്ഖറിന്റേതായി എത്തുന്ന തെലുങ്ക് ചിത്രം കൂടിയാണിതെന്ന പ്രത്യേകതയും സീതാരാമത്തിനുണ്ട്. സ്വപ്ന സിനിമയുടെ ബാനറിൽ അശ്വിനി ദത്ത് ആണ് ചിത്രം നിർമിച്ചിരിക്കുന്നത്.
