ആമീര് ഖാനും കരീന കപൂറും പ്രധാന കഥാപാത്രങ്ങളെ അവതരിപ്പിച്ച 'ലാല് സിങ് ഛദ്ദ'യെ അഭിനന്ദിച്ച് നടന് ഹൃത്വിക് റോഷന്.'ലാല് സിങ് ഛദ്ദ കണ്ടു. ചിത്രത്തിന്റെ ഹൃദയം തനിക്ക് മനസിലായി. ഗുണദോഷങ്ങള് വിലയിരുത്തി ചിത്രങ്ങള് കാണുന്നതില് നിന്നും പിന്തിരിയരുത്. മികച്ചയൊരു അനുഭവം ചിത്രം നിങ്ങള്ക്ക് സമ്മാനിക്കും. ഇപ്പോൾ തന്നെ പോയി കാണൂ. അതിമനോഹരമായ സിനിമയാണ് ലാല് സിങ് ഛദ്ദയെന്നാണ് ഹൃത്വിക് റോഷന് ഇന്സ്റ്റഗ്രാമില് കുറിച്ചത്. നടന്റെ കമന്റിന് ലവ് ഇമോജിയാണ് കരീന കപൂര് നല്കിയത്.
കഴിഞ്ഞ വെള്ളിയാഴ്ചയാണ് ആമീര് ഖാന് ചിത്രം ലാൽ സിംഗ് ഛദ്ദ തിയേറ്ററുകളില് എത്തിയത്. ആദ്യദിനം 12 കോടിയാണ് ചിത്രത്തിന്റെ കളക്ഷൻ. ചിത്രത്തിന്റെ രണ്ട് ദിവസത്തെ ആഭ്യന്തര ബോക്സ് ഓഫീസിൽ കളക്ഷൻ ഏകദേശം 19 കോടി രൂപ വരും. 1994ൽ പുറത്തിറങ്ങിയ ഹോളിവുഡ് ക്ലാസിക് ചിത്രം 'ഫോറസ്റ്റ് ഗമ്പി'ന്റെ റീമേക്കാണ് ലാൽ സിംഗ് ഛദ്ദ. നാലുവര്ഷത്തെ ഇടവേളയ്ക്കുശേഷമാണ് ആമീര് ഖാന് ചിത്രം പുറത്തിറങ്ങുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, സിനിമയുടെ ട്രെയിലര് പുറത്തിറങ്ങിയപ്പോള് മുതല് ലാല് സിംഗ് ചദ്ദ ബഹിഷ്കരിക്കണമെന്ന് തീവ്ര ഹിന്ദുത്വവാദികള് ആഹ്വാനം ചെയ്തിരുന്നു. പി കെ എന്ന ചിത്രത്തിന്റെ റിലീസിനുപിന്നാലെയാണ് ആമിര് ഖാനെതിരെ തീവ്ര ഹിന്ദുത്വവാദികള് സൈബര് ആക്രമണം ആരംഭിച്ചത്. ചിത്രത്തിലെ ചില ഭാഗങ്ങള് ഹിന്ദുക്കളുടെ വികാരങ്ങള് വ്രണപ്പെടുത്തി എന്നാരോപിച്ചായിരുന്നു ആക്രമണം. പികെ, ധൂം 3 എന്നീ ചിത്രങ്ങളിലും സത്യമേവ ജയതേ എന്ന പരിപാടിയിലും പറഞ്ഞ ചില പരാമര്ശങ്ങള് പ്രചരിപ്പിച്ചാണ് തീവ്ര ഹിന്ദുത്വവാദികളുടെ വിദ്വേഷ പ്രചാരണം നടത്തിയത്.
