നാല്പ്പത്തിയഞ്ച് ദിവസത്തിനുള്ളിൽ ടിക്ടോകും വീചാറ്റും നിരോധിക്കണമെന്ന ഉത്തരവ് പുറപ്പെടുവിപ്പിച്ച് യു.എസ് പ്രസിഡന്റ് ഡോണള്ഡ് ട്രംപ്. യുഎസ് ഡിജിറ്റൽ നെറ്റ്വർക്കുകളിൽ നിന്ന് ചൈനീസ് ആപ്ലിക്കേഷനുകൾ നീക്കം ചെയ്യാനുള്ള ശ്രമങ്ങൾ ട്രംപ് ഭരണകൂടം ഈ ആഴ്ച മുതൽ നടത്തിവരികയായിരുന്നു. ഇതിന് പിന്നാലെയാണ് നടപടി.
വീചാറ്റ് അതിന്റെ ഉപയോക്താക്കളിൽ നിന്നും ധാരാളം വിവരങ്ങൾ ഓട്ടോമാറ്റിക് ആയി ശേഖരിക്കുണ്ടെന്ന് ട്രംപ് പറഞ്ഞു. ഈ ശേഖരിക്കുന്ന വിവരങ്ങള് ചൈനീസ് കമ്മ്യൂണിസ്റ്റ് പാർട്ടിക്ക് കൈമാറുന്നുണ്ട് എന്നും ട്രംപ് ആശങ്കപ്പെടുന്നു.
ഇതോടൊപ്പം, ടിക് ടോക് ആപ്ലിക്കേഷൻ ചൈനീസ് കമ്യൂണിസ്റ്റ് പാർട്ടിക്ക് വേണ്ടി തെറ്റായ പ്രചാരണത്തിനായി ഉപയോഗിച്ചേക്കാമെന്നും, കൂടാതെ നമ്മുടെ ദേശീയ സുരക്ഷ പരിരക്ഷിക്കുന്നതിന് യുണൈറ്റഡ് സ്റ്റേറ്റ്സ് ടിക് ടോക്കിന്റെ ഉടമകൾക്കെതിരെ നടപടിയെടുക്കണമെന്നും ട്രംപ് കൂട്ടിച്ചേർത്തു.
എന്നാല്, ടെൻസെന്റും ബൈറ്റ്ഡാൻസും ഈ വിഷയത്തിൽ മറുപടി പറഞ്ഞിട്ടില്ല.
