യുദ്ധത്തിന് ഒരുങ്ങാന് ചൈനീസ് സൈനികര്ക്ക് പ്രസിഡന്റ് ഷി ജിന്പിംഗിന്റെ ആഹ്വാനം. ചൈനയിലെ ഗുവാങ്ഡോങിലെ സൈനിക താവളത്തില് സന്ദര്ശനം നടത്തവെയാണ് പ്രസിഡന്റ് ഈ ആഹ്വാനം നടത്തിയതെന്നാണ് ചൈനീസ് മാധ്യമങ്ങള് റിപ്പോര്ട്ടു ചെയ്യുന്നത്. അതീവ ജാഗ്രത പാലിക്കാനും, വിശ്വസ്തരും ശുദ്ധരും കൂറുള്ളവരുമാകുക എന്നും അദ്ദേഹം പറഞ്ഞതായാണ് റിപ്പോര്ട്ടുകള്.
ഇന്ത്യ ഉൾപ്പെടെ നിരവധി രാജ്യങ്ങളുമായി ഒരേ സമയം സംഘർഷത്തിൽ ഏർപ്പെട്ടിരിക്കുന്ന സാഹചര്യത്തിലാണ് ചൈനീസ് പ്രസിഡന്റിന്റെ ഈ ആഹ്വാനം ആശങ്ക സൃഷ്ടിക്കുന്നത്. അതേസമയം ഷി ജിന്പിംഗിന്റെ ഈ ആഹ്വാനം ഇന്ത്യക്കെതിരെയോ, അമേരിക്കയ്ക്കെതിരെയോ, ചൈനയുമായി തർക്കമുള്ള മറ്റു രാജ്യങ്ങൾക്ക് എതിരെയാണോ എന്ന് വ്യക്തമായിട്ടില്ല.
ഇന്ത്യയും ചൈനയും തമ്മിലുള്ള സംഘർഷം അവസാനിപ്പിക്കാൻ ഇപ്പോഴും സൈനിക, നയതന്ത്ര, തലത്തിൽ നിരവധി ചർച്ചകൾ പുരോഗമിക്കുകയാണ്. അതിർത്തിപ്രശ്നങ്ങൾ വലിയ പ്രശ്നമായി മാറാതെ നയതന്ത്രപരമായിത്തന്നെ പരിഹരിക്കപ്പെടേണ്ട ഒന്നാണ് എന്നാണ് ഇന്ത്യുടെ സമീപനം.
