ബ്രസീൽ സൂപ്പർ നെയ്ർ ചാമ്പ്യൻസ് ലീഗിൽ പിഎസ്ജിയുടെ അടുത്ത മത്സരത്തിൽ കളിക്കും. പിഎസ്ജി ക്ലബ് മാനേജർ തോമസ് ട്യൂക്കൽ അറിയിച്ചതാണിത്. ഇംഗ്ലീഷ് ക്ലബ് ഫുട്ബോളിലെ കരുത്തരായ മാഞ്ചസ്റ്റർ യുണൈറ്റഡുമായി ഈ മാസം 20 നാണ് പിഎസ്ജിയുടെ അടുത്ത മത്സരം. നെയ്റുമായി സംസാരിച്ചെന്നും അദ്ദേഹം മത്സരത്തിന് തയ്യാറാണെന്നും തോമസ് വ്യക്തമാക്കി. മത്സരത്തിന് മുന്നോടിയായുള്ള പരിശീലനത്തിൽ നെയ്മർ പങ്കെടുത്തു.
ലീഗിലെ ആദ്യ മത്സരത്തിൽ പിഎസ്ജി നിമെസിനെ ഏകപക്ഷീയമായ 4 ഗോളുകൾക്ക് തോൽപ്പിച്ചിരുന്നു. ഈ മത്സരത്തിൽ നെയ്മർ കളിച്ചിരുന്നില്ല.പെറുവിനെതിരായ ലോകകപ്പ് യോഗ്യതാ മത്സരം കഴിഞ്ഞ് 3 ദിവസത്തിന് ശേഷമായിരുന്നു ലീഗിലെ മത്സരം. നെയ്മർക്ക് വിശ്രമം നൽകുന്നതിന്റെ ഭാഗമായാണ് നെയ്മർ കളിക്കലത്തിൽ നിന്ന് വിട്ടുനിന്നത്. ലീഗിലെ ഏഴ് മത്സരങ്ങളിൽ 3 കളികളിൽ മാത്രമാണ് നെയ്മർ ബൂട്ട് കെട്ടിയത്. 7 മത്സരങ്ങളിൽ നിന്ന 15 പോയന്റുമായി ലീഗിൽ ഒന്നാമതാണ് പിഎസ്ജി.