ആപ്പിൾ ആപ്പ് സ്റ്റോറിൽ നിന്നും ഗൂഗിൾ പേ നീക്കംചെയ്തു. എന്തുകൊണ്ടാണ് നീക്കം ചെയ്തതെന്ന് കമ്പനി വ്യക്തമാക്കിയിട്ടില്ല. ഗൂഗിള്‍ പേക്ക് പകരം ഫോണ്‍ പേ, പേ ടിഎം എന്നീ ആപ്ലിക്കേഷനുകള്‍ ആപ്പിള്‍ ലഭ്യമാക്കിയിട്ടുണ്ട്.
ഡിജിറ്റൽ പെയ്മെന്റ് ആപ്ലിക്കേഷനുകളിൽ ഏറ്റവും കൂടുതൽ പേർ ഉപയോഗിക്കുന്ന ആപ്ലിക്കേഷൻ ആണ് ഗൂഗിൾ പേ. ഗൂഗിൾ പേ വഴി പണമയയ്ക്കുന്ന ആപ്പിൾ ഉപയോക്താക്കൾക്ക് സാങ്കേതികമായി ചില പ്രശ്നങ്ങൾ അനുഭവപ്പെട്ടേക്കാമെന്ന് ഗൂഗിൾ വക്താവ് അറിയിച്ചു. താൽക്കാലികമായി നീക്കം ചെയ്തതാണെന്നും വൈകാതെ തന്നെ ആപ്ലിക്കേഷൻ ആപ്പ് സ്റ്റോറിൽ ലഭ്യമാക്കുമെന്നും അദ്ദേഹം പറഞ്ഞു.
കഴിഞ്ഞ ദിവസം ഗൂഗിൾ പ്ലേ സ്റ്റോറിൽ നിന്നും ഗൂഗിൾ പേ അപ്രത്യക്ഷമായിരുന്നു. ഇതിനെ തുടർന്ന് ട്വിറ്ററിലും മറ്റ് സമൂഹമാധ്യമങ്ങളിലും പരാതികൾ നിറഞ്ഞതിനെത്തുടർന്നാണ് ഗൂഗിൾ പ്രശ്നം പരിഹരിച്ചത്.
