സർക്കാർ നിയമനങ്ങളിൽ മുന്നാക്ക സംവരണം നടപ്പാക്കി പിഎസ് സി. മുന്നാക്ക സംവരണം ഒക്ടോബർ 23 മുതലുള്ള ലിസ്റ്റുകളിൽ നടപ്പിലാക്കാൻ പിഎസ് സി തീരുമാനിച്ചു. മന്ത്രിസഭാ യോഗം ഇത് സംബന്ധിച്ച തീരുമാനം എടുത്തിയിരുന്നു. ഈ മാസം 23 ന് അവസാനിക്കുന്ന ലിസ്റ്റുകളുടെ കാലാവധി നവംബർ 14 വരെ നീട്ടാൻ തീരുമാനിച്ചിരുന്നു. നവംബർ 14 വരെ അപേക്ഷിച്ചിട്ടുള്ളവരിൽ നിന്നും അർഹരായവർക്ക് മുന്നാക്ക സംവരണത്തിന് അപേക്ഷിക്കാനാണ് പിഎസ് സിയുടെ നടപടി.
മുന്നാക്ക വിഭാഗങ്ങളിൽ സാമ്പത്തികമായി പിന്നാക്കം നൽക്കുന്നവർക്ക് സർക്കാർ ജോലികളിൽ 10 ശതമാനം സംവരണം ഏർപ്പെടുത്താനാണ് സർക്കാർ തീരുമാനിച്ചത്. ഇത് സംബന്ധിച്ച വിജ്ഞാപനം ഈ മാസം 25 നാണ് പുറത്തിറങ്ങിയത്. നാലുലക്ഷം രൂപക്ക് താഴെ വാർഷിക വരുമാനം ഉള്ളവർക്ക് സംവരണത്തിന്റെ ആനുകൂല്യം ലഭിക്കും. 2019 ജനുവരിൽ പാർലമെന്റ് പാസാക്കിയ നിയമത്തിന്റെ അടിസ്ഥാനത്തിൽ ഉദ്യോഗസ്ഥ നിയമനത്തിലും വിദ്യാർത്ഥി പ്രവേശനത്തിലും സംവരണം ഏർപ്പെടുത്താൻ തീരുമാനിച്ചിരുന്നു.
