വാഷിംഗ്ടണ്: അമേരിക്കന് പ്രസിഡന്റ് തെരഞ്ഞെടുപ്പില് പെന്സില്വാനിയയിലെ ഫലങ്ങളെ ചോദ്യം ചെയ്തുകൊണ്ടുളള കേസില് നിന്ന് ട്രംപിന്റെ നിയമസ്ഥാപനം പിന്മാറി. ട്രംപിന്റെ നിയമസ്ഥാപനമായ പോര്ട്ടര് റൈറ്റ്സ് വെളളിയാഴ്ച്ച പുറത്തിറക്കിയ പ്രസ്താവനയില് കേസില് നിന്ന് പിന്മാറുന്നതായി പറയുന്നുണ്ടെങ്കിലും എന്തുകൊണ്ടാണ് പിന്മാറുന്നത് എന്നതിന് കാരണം വ്യക്തമാക്കിയിട്ടില്ല.
ഓഹിയോ ആസ്ഥാനമായുളള പോര്ട്ടര് റൈറ്റ് മോറിസ് ആന്ഡ് ആര്തര് എന്ന സ്ഥാപനം തിങ്കളാഴ്ച്ചയാണ് മെയില്-ഇന് ബാലറ്റുകളുടെ ഉപയോഗം സംസ്ഥാനത്തെ തെരഞ്ഞെടുപ്പ് ഫലത്തെ അട്ടിമറിച്ചു എന്നാരോപിച്ച് കേസ് കൊടുത്തത്. ഈ കേസ് മുന്നറിയിപ്പുകള് ഇല്ലാതെ വെളളിയാഴ്ച്ച പിന്വലിക്കുകയായിരുന്നു. ട്രംപിന്റെ അഭിഭാഷകര് അരിസോണയിലെ കേസും പിന്വലിച്ചു.
മിഷിഗണിലെ ഡെട്രോയിറ്റ് ഏരിയയിലെ തെരഞ്ഞെടുപ്പ് ഫലങ്ങള് സര്ട്ടിഫൈ ചെയ്യാന് ജഡ്ജി വിസമ്മതിച്ചു. ഇതോടെ മിഷിഗണില് വോട്ടുകളുടെ എണ്ണത്തില് ഇടപെടാന് വിസമ്മതിച്ച ജഡ്ജിമാരുടെ എണ്ണം മൂന്നായി. കഴിഞ്ഞ ആഴ്ചയില് നടന്ന പ്രസിഡന്റ് തെരഞ്ഞെടുപ്പില് അട്ടിമറി നടന്നതിന് തെളിവുകളില്ലെന്ന് യുഎസ് ഫെഡറല്, സ്റ്റേറ്റ് ഉദ്യോഗസ്ഥരുടെ സഖ്യം പറഞ്ഞു.
