ലോകത്ത് ഒരു ഗവണ്മെന്റിനും കര്ഷകരെ തടയാനാവില്ലെന്ന് കോണ്ഗ്രസ് നേതാവ് രാഹുല് ഗാന്ധി. കേന്ദ്രത്തിന്റെ കാര്ഷിക നിയമങ്ങള്ക്കെതിരായി തലസ്ഥാനത്ത് പ്രക്ഷോപങ്ങള് ശക്തമായിക്കൊണ്ടിരിക്കുകയണ്. ഡല്ഹി-ഹരിയാന അതിര്ത്തിയില് കര്ഷകര്ക്കുനേരേ ലാത്തിച്ചാര്ജ് നടന്നതിനു പിന്നാലെയാണ് രാഹുല് ഗാന്ധി മോദി സര്ക്കാരിനെതിരെ ആഞ്ഞടിച്ചത്.സത്യത്തിനു വേണ്ടിയുളള പോരാട്ടമാണ് കര്ഷകരുടേതെന്നും രാഹുല് കൂട്ടിച്ചേര്ത്തു.
പുതിയ കാര്ഷിക നിയമങ്ങള്ക്കെതിരായ കര്ഷകരുടെ ദില്ലി ചലോ മാര്ച്ചിന്റെ ഭാഗമായി ആയിരക്കണക്കിന് കര്ഷകര് ദേശീയ തലസ്ഥാനത്ത് ഒത്തുകൂടി പ്രതിഷേധിച്ചു. ബാരിക്കേഡുകളും കണ്ണീര് വാതകങ്ങളുമുപയോഗിച്ച് പോലീസ് കര്ഷക സംഘത്തെ തടയുകയും പിന്നീട് കര്ഷകരെ സമാധാനപരമായി സമരം നടത്താന് അനുവധിച്ചതുമായി പോലീസ് പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
അഹങ്കാരം സത്യവുമായി ഏറ്റുമുട്ടുമ്പോളൊക്കെ പരാജയപ്പെടുമെന്ന് പ്രധാനമന്ത്രി ഓര്മിക്കണമെന്ന് രാഹുല് ഗാന്ധി ട്വീറ്റ് ചെയ്തു. മോദി സര്ക്കാരിന് കര്ഷകരുടെ ആവശ്യങ്ങള് അംഗീകരിക്കേണ്ടിവരും, കരി നിയമങ്ങള് പിന്വലിക്കേണ്ടിവരുമെന്നും രാഹുല് കൂട്ടിച്ചേര്ത്തു. ഇത് ഒരു തുടക്കം മാത്രമാണെന്ന് രാഹുല് ഗാന്ധി പറഞ്ഞു. കേന്ദ്രം കര്ഷകരുമായി ഉടന് ചര്ച്ചയ്ക്ക് തയാറാകണമെന്ന് പഞ്ചാബ് മുഖ്യമന്ത്രി അമരീന്ദര് സിംഗ് ആവശ്യപ്പെട്ടു.
