വാഷിംഗ്ടണ്‍: യു എസ് പ്രസിഡന്റ് ഡോണല്‍ ട്രംപ് തെരഞ്ഞെടുപ്പില്‍ ജോ ബൈഡനോട് തോല്‍വി സമ്മതിക്കാത്തതില്‍ പ്രതിഷേധിച്ച് പ്രഥമവനിത മെലാനിയ ട്രംപ് വൈറ്റ് ഹൗസ് വിടാനൊരുങ്ങുന്നു. അടുത്തിടെ നടന്ന യുഎസ് പ്രസിഡന്റ് തെരഞ്ഞെടുപ്പിലെ തന്റെ തോല്‍വി സമ്മതിക്കാന്‍ ട്രംപ് വിസമ്മതിക്കുന്നത് ഇരുവര്‍ക്കുമിടയില്‍ അസ്വസ്ഥത സൃഷ്ടിച്ചിരുന്നു. അതിനുപിന്നാലെയാണ് മെലാനിയ വൈറ്റ് ഹൗസ് വിടുന്നുവെന്ന വാര്‍ത്ത വന്നിരിക്കുന്നത്.
വൈറ്റ്ഹൗസ് വിട്ടശേഷം തനിക്ക് ലഭിക്കുന്ന ബജറ്റിനെക്കുറിച്ചും സ്റ്റാഫുകളുടെ എണ്ണത്തെകുറിച്ചും അറിയാനായി മെലാനിയ ശ്രമിച്ചതാണ് വൈറ്റ് ഹൗസ് വിടുന്നുവെന്ന ഊഹാപോഹങ്ങള്‍ക്കു കാരണം. എന്നാല്‍ സര്‍ക്കാരില്‍ നിന്ന് 20,000 ഡോളര്‍ മാത്രമാണ് പ്രഥമവനിതയായിരുന്നവര്‍ക്ക് പ്രതിവര്‍ഷം ലഭിക്കുക അതും ഭര്‍ത്താവിന്റെ മരണശേഷം മാത്രമായിരിക്കും.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
അമേരിക്കന്‍ പ്രസിഡന്റ് തെരഞ്ഞെടുപ്പില്‍ അട്ടിമറി നടന്നെന്ന് ആരോപിച്ചുകൊണ്ട് ഡൊണാള്‍ഡ് ട്രംപ് സുപ്രീംകോടതിയില്‍ അപ്പീല്‍ നല്‍കിയിരുന്നു. പ്രസിഡന്റായി തിരഞ്ഞെടുക്കപ്പെട്ട ജോ ബൈഡനെ വിജയിയായി പ്രഖ്യാപിക്കുന്നത് തടയാനായി ട്രംപ് പെന്‍സില്‍വാനിയ അടക്കം നിരവധി സംസ്ഥാനങ്ങളിലാണ് കേസ് ഫയല്‍ ചെയ്തത്. തെളിവുകളൊന്നും ഇല്ലാതെയാണ് തെരഞ്ഞെടുപ്പില്‍ അട്ടിമറി നടന്നു എന്ന് ട്രംപ് പക്ഷം ആരോപിക്കുന്നതെന്ന് കോടതി കണ്ടെത്തിയിരുന്നു. യാതൊരു തെളിവുകളുമില്ലാതെ വെറും ഊഹാപോഹങ്ങളുടെ അടിസ്ഥാനത്തില്‍ ഫലം റദ്ദാക്കാന്‍ കഴിയില്ലെന്ന് കോടതി നിലപാടെടുത്തു.
