ചെന്നൈ: നടന്‍ രജനീകാന്തിന്റെ രാഷ്ട്രീയപാര്‍ട്ടി ചിഹ്നം ഓട്ടോറിക്ഷയ്ക്ക് തെരഞ്ഞെടുപ്പ് കമ്മീഷന്റെ അനുമതി. മക്കള്‍ ശക്തി കഴകമെന്ന പാര്‍ട്ടിയുടെ പേര് മക്കള്‍ സേവൈ കക്ഷി എന്ന് മാറ്റി രജിസ്റ്റര്‍ ചെയ്തു. ഡിസംബര്‍ 31ന് തന്റെ രാഷ്ട്രീയപാര്‍ട്ടി പ്രഖ്യാപനം നടത്താനൊരുങ്ങുകയാണ് തമിഴ് സിനിമയുടെ സ്റ്റൈല്‍ മന്നന്‍.
രജനീകാന്തിന്റെ രാഷ്ട്രീയപ്രവേശനം തമിഴ്‌നാടും ദേശീയരാഷ്ട്രീയവും ആകാംക്ഷയോടെ കാത്തിരിക്കുകയാണ്. അതേസമയം രജനീകാന്ത് അടുത്ത നിയമസഭാ തെരഞ്ഞെടുപ്പില്‍ തിരുവണ്ണാമലയില്‍നിന്നും മത്സരിക്കുമെന്ന് അദ്ദേഹത്തിന്റെ സഹോദരന്‍ സത്യനാരായണറാവു പറഞ്ഞിരുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
ഹൈദരാബാദില്‍ തന്റെ പുതിയ ചിത്രമായ അണ്ണാത്തെയുടെ ചിത്രീകരണത്തിലാണ് താരം. എന്നാല്‍ രജനികാന്തിന്‍റെ പാര്‍ട്ടി അംഗങ്ങള്‍ ഇതുവരെ വാര്‍ത്തയോട് പ്രതികരിച്ചിട്ടില്ല. രജനിയുടെ പേരില്‍ മറ്റാരോ കമ്മീഷനില്‍ അപേക്ഷ നല്കിയതനെന്ന ആരോപണവും ഉയരുന്നുണ്ട്. നടന്‍ കമലഹാസന്റെ പാര്‍ട്ടി ചിഹ്നമായ ടോര്‍ച്ച് ഇത്തവണ അദ്ദേഹത്തിനു നഷ്ടമായി. പുതുച്ചേരിയില്‍ മാത്രമാണ് മക്കള്‍ നീതി മയ്യത്തിനു ടോര്‍ച്ച് ചിഹ്നത്തില്‍ മത്സരിക്കാന്‍ അനുമതിയുള്ളത്.
