അമേരിക്കന് പ്രസിഡന്റ് ഡോണള്ഡ് ട്രംപിനെ ഇംപീച്ച്മെന്റ് ചെയ്തു. രാജ്യത്തെ നടുക്കിയ കാപിറ്റോള് കലാപത്തിനായി അക്രമികളെ പ്രേരിപ്പിച്ചതിനാണ് നടപടി. പ്രമേയം ഡെമോക്രാറ്റുകൾക്കു ഭൂരിപക്ഷമുള്ള യുഎസ് ജനപ്രതിനിധി സഭ 197നെതിരെ 232 വോട്ടുകള്ക്കാണ് പാസാക്കിയത്. 10 റിപ്പബ്ലിക്കന് അംഗങ്ങളും ട്രംപിനെതിരെ വോട്ടു ചെയ്തു. ഇനി സെനറ്റിലും പ്രമേയം പാസാകേണ്ടതുണ്ട്. എന്നാല് അവിടെ റിപ്പബ്ലിക്കന് പാര്ട്ടിക്കാണ് ഭൂരിപക്ഷം. 17 റിപ്പബ്ലിക്കന് അംഗങ്ങള് ട്രംപിനെതിരെ വോട്ട് ചെയ്താല് മാത്രമേ അദ്ദേഹത്തെ പുറത്താക്കാന് സാധിക്കൂ.
ഇംപീച്ച്മെന്റിന് പിന്നാലെ രാജ്യത്ത് സമാധാനം കൊണ്ടുവരണമെന്ന് പ്രസിഡന്റ് ട്രംപ് വീഡിയോ സന്ദേശത്തിലൂടെ ജനങ്ങളോട് പറഞ്ഞു. കാപിറ്റോൾ ആക്രമണത്തിന് കാരണക്കാരായവരെ നിയമത്തിന് മുന്നില് കൊണ്ടുവരുമെന്നും തന്നെ പിന്തുടരുന്നവര് കലാപത്തിന് മുതിരരുതെന്നും ട്രംപ് പറഞ്ഞു. എന്നാല്, ഇംപീച്ച്മെന്റിനെ കുറിച്ച് അദ്ദേഹം ഒന്നും പരാമര്ശിച്ചില്ല.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
അതേസമയം അമേരിക്കയുടെ പുതിയ പ്രസിഡന്റായി ജോ ബൈഡന് സ്ഥാനമേല്ക്കുന്ന ജനുവരി 20ന് വാഷിംങ്ടണില് അടിയന്തരാവസ്ഥ പ്രഖ്യാപിച്ചു. അനിഷ്ട സംഭവങ്ങള് ഒഴിവാക്കാനാണ് ഈ നീക്കം.