വുഹാന്‍: കൊവിഡിന്റെ ഉറവിടം അന്വേഷിക്കാനായി ലോകാരോഗ്യ സംഘടന വുഹാനില്‍. ലോകാരോഗ്യസംഘടനയുടെ പത്തംഗ വിദഗ്ദ സംഘമാണ് വുഹാനിലെത്തിയത്. പത്ത് ദിവസത്തെ ക്വാറന്റൈന്‍ പൂര്‍ത്തിയാക്കിയതിനു ശേഷം മാത്രമേ സംഘത്തിന് അന്വേഷണം ആരംഭിക്കാനാവുകയുളളു.
2019 അവസാനത്തിലാണ് ചൈനീസ് നഗരമായ വുഹാനിലെ മാര്‍ക്കറ്റില്‍ കൊവിഡ് സ്ഥിരീകരിക്കുന്നത്. രോഗം പിന്നീട് ലോകം മുഴുവന്‍ വ്യാപിക്കുകയും നിരവധിപ്പേര്‍ക്ക് ജീവന്‍ നഷ്ടപ്പെടുകയും ചെയ്തു. മഹാമാരി ആഗോള സമ്പദ്‌വ്യവസ്ഥയെയും സാരമായി ബാധിച്ചു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
കര്‍ശനമായ ലോക്ക്ടൗണും പരിശോധനകളും നടപ്പാക്കിയതിലൂടെ ചൈന വൈറസിനെ നിയന്ത്രണവിധേയമാക്കിയിരുന്നു. കഴിഞ്ഞ ദിവസം ചൈനയില്‍ ആകെ റിപ്പോര്ട്ട് ചെയ്തത് 138 കേസുകള്‍ മാത്രമാണ്. മെയ് മാസത്തിനു ശേഷം ചൈനയില്‍ ഇതുവരെ കൊവിഡ് ബാധിച്ചുളള മരണങ്ങളൊന്നും റിപ്പോര്ട്ട് ചെയ്തിട്ടില്ല. ചൈനയില്‍ ആകെ 4,635 പേര്‍ക്കാണ് മഹാമാരി മൂലം ജീവന്‍ നഷ്ടമായത്.
