സിനിമയിലെ വയലന്സ് രംഗങ്ങള്ക്ക് കയ്യടിക്കുന്നവര് ഉമ്മ വയ്ക്കുമ്പോള് മുഖം മൂടുന്നത് എന്തിനെന്ന് മനസിലാവുന്നില്ലെന്ന് നടന് ടൊവിനോ തോമസ്. സിനിമയിലെ ഇടപഴകല് രംഗങ്ങള് കാണുമ്പോള് നെറ്റിചുളിയ്ക്കുന്നത് കപടസദാചാരമാണെന്നും അദ്ദേഹം പറഞ്ഞു. നായകനും നായികയും അടുത്തിടപിഴകുന്ന രംഗങ്ങളില് നടീനടന്മാരെ മുറിയ്ക്കുള്ളിലാക്കി ക്യാമറ ഓണ് ചെയ്ത് എന്തെങ്കിലും ചെയ്തോ എന്ന് പറഞ്ഞ് സംവിധായകന് ഓടുകയല്ല പത്തമ്പതു പേരുടെ മുന്നിലാണ് റൊമാന്റിക് രംഗങ്ങള് ഷൂട്ടുചെയ്യുന്നത്. ഈ സമയത്ത് പ്രത്യേകം വികാരമൊന്നും തോന്നേണ്ടതില്ല. ലിപ്പ് ലോക്ക് രംഗങ്ങളും മറ്റും സിനിമയില് ഉള്പ്പെടുത്തുന്നത് ഭാര്യയ്ക്ക് കുഴപ്പമുണ്ടോയെന്നും മറ്റും അഭിമുഖങ്ങളില് ചോദിയ്ക്കുന്നത് വിഢിത്തമാണെന്നും ടൊവിനോ പറഞ്ഞു. പുതിയ ചിത്രമായ കളയുടെ റിലീസുമായി ബന്ധപ്പെട്ട് വിളിച്ചുചേര്ത്ത വാര്ത്താ സമ്മേളനത്തില് സംസാരിയ്ക്കുകയായിരുന്നു ടൊവിനോ.
ടൊവിനോ തോമസിനെ നായകനാക്കി രോഹിത് വി.എസ്. ഒരുക്കുന്ന ചിത്രമാണ് ‘കള’. മാർച്ച് 25ന് ചിത്രം റിലീസിന് എത്തും. അഡ്വഞ്ചേഴ്സ് ഓഫ് ഓമനക്കുട്ടന്, ഇബിലീസ് എന്നീ ചിത്രങ്ങൾക്കു ശേഷം രോഹിത് സംവിധാനം ചെയ്യുന്ന ചിത്രംകൂടിയാണ് കള. സുഹൃത്തുകൂടിയായ സംവിധായകന് അഖിലിന്റെ വോയ്സ് ക്ലിപ്പുകള് മാത്രം കേട്ട് അഭിനയിക്കാൻ തീരുമാനമെടുത്ത സിനിമയാണ് കളയെന്ന് ടൊവിനോ പറഞ്ഞു. സംഘട്ടന രംഗങ്ങള്ക്ക് സിനിമയില് ഏറെ പ്രധാന്യമുണ്ട്. ചിത്രീകരണത്തിനിടെ പരുക്കുപറ്റിയെങ്കിലും കൂടുതല് തീവ്രമായ രംഗങ്ങളാണ് പരുക്കുകള് ഭേദമായ ശേഷം ചിത്രീകരിച്ചത്. വിട്ടുവീഴ്ചകള്ക്ക് വഴങ്ങാത്തിനാല് ചിത്രത്തിന് 'എ' സര്ട്ടിഫിക്കറ്റാണ് ലഭിച്ചതെന്നും ടൊവിനോ പറഞ്ഞു.