പാക്കിസ്ഥാനില് യുദ്ധവിമാനമം തകര്ന്നുവീണ് പൈലറ്റ് കൊല്ലപ്പെട്ടു. വരാനിരിക്കുന്ന സൈനിക പരേഡിനായുള്ള റിഹേഴ്സലിനിടെയാണ് ഇസ്ലാമാബാദിന് സമീപത്തുള്ള വനപ്രദേശത്ത് എഫ് -16 ജെറ്റ് തകര്ന്നു വീണത്. മറ്റ് ആളപായമോ നാശനഷ്ടങ്ങളോ സംഭവിച്ചിട്ടില്ലെന്ന് പാക് വ്യോമസേനയുടെ പ്രസ്താവനയിൽ പറയുന്നു. സംഭവത്തില് പാകിസ്ഥാൻ പ്രസിഡന്റ് അഫിഫ് അൽവി അനുശോചനം രേഖപ്പെടുത്തി.
Also Read
മാർച്ച് 23-ന് നടക്കാനിരിക്കുന്ന പാകിസ്ഥാൻ ദിന എയർഷോയുടെയും പരേഡിന്റെയും റിഹേഴ്സലാണ് നടന്നിരുന്നത് എന്ന് പാകിസ്ഥാൻ വ്യോമസേനയുടെ പ്രസ്താവനയിൽ പറയുന്നു. അപകടമുണ്ടായ സ്ഥലത്തേക്ക് രക്ഷാപ്രവർത്തകരെ അയച്ചിട്ടുണ്ടെന്നും അപകടകാരണം കണ്ടെത്താന് വിദഗ്ദ്ധ സമിതിയെ നിയോഗിക്കുമെന്നും പ്രസ്താവനയിൽ വ്യക്തമാക്കുന്നു. പാകിസ്ഥാൻ മിലിട്ടറിയുടെ ആയുധപ്പുരയിലെ ഏറ്റവും വിലപ്പെട്ട പ്രതിരോധ സംവിധാനമാണ് എഫ് -16 ജെറ്റുകൾ. ഏകദേശം 50 എഫ് -16 വിമാനങ്ങളാണ് പാക് മിലിട്ടറിയുടെ കൈവശമുള്ളത്. ഓരോന്നിനും കുറഞ്ഞത് 40 മില്യൺ ഡോളർ വിലവരും.
