നിഖില് മാധവ് സംവിധാനം ചെയ്യുന്ന 'ഹരിപ്പാട് ഗ്രാമപഞ്ചായത്ത്' എന്ന സിനിമയില് അരങ്ങേറ്റം കുറിക്കാന് മുന് പ്രതിപക്ഷ നേതാവ് രമേശ് ചെന്നിത്തല. ഈ ചിത്രത്തില് എ. എം. ആരിഫ് എംപിയും പ്രാധാന കഥാപാത്രത്തെ അവതരിപ്പിക്കുന്നുണ്ട്. എം. ജി. ശ്രീകുമാറാണ് ചിത്രത്തിലെ ഗാനം ആലപിച്ചിരിക്കുന്നത്.
അക്കര ബാബു എന്ന കഥാപാത്രവും, അദ്ദേഹത്തിലൂടെ പറഞ്ഞു വെക്കുന്ന കഥയുമാണ് ഈ ചിത്രം. പ്രധാന ലൊക്കേഷന് ഹരിപ്പാടാണ്. ഈ പ്രദേശത്ത് നടക്കുന്ന രണ്ട് തെരഞ്ഞെടുപ്പുകളും, അതിനോട് അനുബന്ധിച്ച് അക്കര ബാബുവിലൂടെ ചില കാര്യങ്ങൾ പ്രേക്ഷകരോട് വെളിപ്പെടുത്തുകയും ചെയ്യുന്നു. രാഷ്ട്രീയക്കാരനായാണ് രമേശ് ചെന്നിത്തല ചിത്രത്തിൽ എത്തുന്നത്. ആരിഫിന് മികച്ച വേഷമാണ് ചിത്രം ഒരുക്കിയിരിക്കുന്നത്. നാട്ടുംപുറത്തെ രാഷ്ട്രീയ നേതാവായാണ് ആരിഫ് വേഷമിടുന്നത്.
ഒരു വര്ഷം മുന്പ് ചിത്രത്തിന്റെ ഷൂട്ട് ആരംഭിച്ചിരുന്നെങ്കിലും കൊവിഡ് മൂലം ചിത്രീകരണം നീട്ടി വെക്കുകയായിരുന്നു. കൊവിഡ് കുറഞ്ഞ് ചിത്രീകരണത്തിന് അനുമതി ലഭിക്കുന്ന സാഹചര്യത്തില് സിനിമ പൂര്ത്തിയാക്കും.