പേരറിവാളനെ മോചിപ്പിച്ചത് സുപ്രീംകോടതി ഉത്തരവിന്റെ അടിസ്ഥാനത്തിലാണ്. 31 വര്ഷത്തിനു ശേഷമാണ് മോചനം. ഭരണഘടനയുടെ 142-ാം അനുച്ഛേദ പ്രകാരം സുപ്രീംകോടതിക്കുള്ള അധികാരം ഉപയോഗിച്ചുകൊണ്ടാണ് മോചിപ്പിക്കാന് ഉത്തരവിട്ടത്. ഏറെക്കാലമായി സുപ്രീംകോടതിയുടെ പരിഗണനയില് ഉണ്ടായിരുന്ന കേസാണിത്
ഇയാളെ മോചിപ്പിക്കണമെന്ന തമിഴ്നാട് സര്ക്കാറിന്റെ ശുപാര്ശയില് വര്ഷങ്ങള് കഴിഞ്ഞിട്ടും ഗവര്ണര് തീരുമാനമെടുക്കാത്തതില് സുപ്രീംകോടതി അതൃപ്തി അറിയിച്ചിരുന്നു. ഗവര്ണര് തീരുമാനമെടുക്കാത്ത സാഹചര്യത്തില് ജസ്റ്റിസ് എല് നാഗേഷ്വര് റാവു അധ്യക്ഷനാനയ ബെഞ്ച് എല്ലാ കക്ഷികളുടെയും വാദം കേട്ട് വിധി പറയുകയായിരുന്നു. ശിക്ഷാകാലയളവിലെ നല്ല നടപ്പും മാനുഷിക പരിഗണനയും വെച്ച് കോടതി പേരറിവാളന് നേരത്തെ തന്നെ ജാമ്യം അനുവദിച്ചിരുന്നു.
പേരറിവാളന് ഉള്പ്പടെ കേസിലെ പ്രതികളായ ഏഴ് പേരെയും വിട്ടയയ്ക്കാന് 2014ല് ജയലളിത സര്ക്കാര് ശുപാര്ശ നല്കിയിരുന്നു. തുടര്ന്ന് സര്ക്കാര് ശിപാര്ശയില് ഗവര്ണറുടെ തീരുമാനം വൈകുന്നത് ചൂണ്ടിക്കാട്ടി പേരറിവാളന്റെ അമ്മ അര്പുതമ്മാള് കോടതിയില് ഹര്ജി സമര്പ്പിച്ചിരുന്നു.