കാബൂള്‍: അഫ്ഗാനിസ്ഥാനില്‍ യുഎസ് നടത്തിയ വ്യോമാക്രമണത്തില്‍ 200 താലിബാന്‍ തീവ്രവാദികള്‍ കൊല്ലപ്പെട്ടു. ഷെബര്‍ഗാന്‍ നഗരത്തിലെ താലിബാന്റെ താവളങ്ങള്‍ ലക്ഷ്യമിട്ടാണ് യുഎസ് വ്യോമാക്രമണം നടത്തിയത്.
' ഇന്ന് വൈകുന്നേരം താലിബാന്റെ ഒളിത്താവളങ്ങളും സമ്മേളന സ്ഥലങ്ങളും ലക്ഷ്യമിട്ട് ഷബര്‍ഗാന്‍ നഗരത്തില്‍ വ്യോമസേന നടത്തിയ ആക്രമണത്തില്‍ ഇരുന്നൂറിലധികം തീവ്രവാദികള്‍ കൊല്ലപ്പെട്ടു. വ്യോമാക്രമണത്തില്‍ അവരുടെ നൂറിലധികം വാഹനങ്ങളും വെടിക്കോപ്പുകളും ആയുധങ്ങളും നശിപ്പിക്കപ്പെട്ടു' എന്ന് അഫ്ഗാന്‍ പ്രതിരോധ മന്ത്രാലയത്തിലെ ഉദ്യോഗസ്ഥന്‍ ഫവാദ് അമന്‍ ട്വീറ്റ് ചെയ്തു. ഇന്നലെ വൈകുന്നേരം 6.30 നാണ് ബി. 52 ബോംബര്‍ വിമാനങ്ങള്‍ താലിബാനെ ലക്ഷ്യമിട്ട് ആക്രമണം ആരംഭിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
