മുംബൈ: മുംബൈ വിമാനത്താവളത്തില് നടന് സല്മാന് ഖാനെ തടഞ്ഞ ഉദ്യോഗസ്ഥന് സി.ഐ.എസ്.എഫിന്റെ അഭിനന്ദനം. സി.ഐ.എസ്.എഫ് ഉദ്യോഗസ്ഥന് മാതൃകാപരമായ പ്രവര്ത്തനമാണ് നടത്തിയിരിക്കുന്നതെന്നും തക്കതായ പ്രതിഫലത്തിന് അര്ഹനാണെന്നും സി.ഐ.എസ്.എഫ് ട്വീറ്റ് ചെയ്തു. ഉദ്യോഗസ്ഥനെതിരായി നടക്കുന്നത് തെറ്റായ പ്രചരണമാണെന്നും സി.ഐ.എസ്.എഫ് വ്യക്തമാക്കി.
ആഗസ്റ്റ് 20-ന് റഷ്യയിലേക്ക് പോകുന്നതിനായാണ് സല്മാന് ഖാന് മുംബൈ വിമാനത്താവളത്തിലെത്തിയത്. നടന് വരിയില് നില്ക്കാതെ നേരിട്ട് അകത്തേക്ക് കടക്കുന്നത് തടഞ്ഞ സുരക്ഷാ ഉദ്യോഗസ്ഥന് നടനോട് വരിയില് നില്ക്കാന് ആവശ്യപ്പെടുകയായിരുന്നു. വീഡിയോ വൈറലായതോടെ ഉദ്യോഗസ്ഥനെ അഭിനന്ദിച്ചും കുറ്റപ്പെടുത്തിയും നിരവധിപേരാണ് രംഗത്തെത്തിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'ടൈഗര് ത്രീ' എന്ന സിനിമയുടെ ചിത്രീകരണത്തിനായായിരുന്നു സല്മാന് ഖാന്റെ റഷ്യയിലേക്കുളള യാത്ര. മനീഷ് ശര്മ്മയാണ് ചിത്രം സംവിധാനം ചെയ്യുന്നത്. സല്മാന് ഖാനെ കൂടാതെ കത്രീനാ കൈഫ്, ഇമ്രാന് ഹാഷ്മി തുടങ്ങിയവരും പ്രധാന കഥാപാത്രത്തെ അവതരിപ്പിക്കുന്നുണ്ട്. റഷ്യ, തുര്ക്കി, ഓസ്ട്രിയ തുടങ്ങിയ രാജ്യങ്ങളിലായി ടൈഗര് ത്രീയുടെ ചിത്രീകരണം പുരോഗമിക്കുകയാണ്.