അറബിക്കടലില് രൂപപ്പെട്ട ന്യൂനമര്ദത്തിന്റെ ഭാഗമായി സംസ്ഥാനത്ത് വിവിധ ജില്ലകളില് കനത്ത മഴയാണ്. പലയിടങ്ങളിലും ഉരുള്പൊട്ടലും, വെള്ളപൊക്കവും മൂലം ജന ജീവിതം ദുസ്സഹമായിരിക്കുകയാണ്. ഈ സാഹചര്യത്തില് ദുരിത്വാസ പ്രവര്ത്തനങ്ങള്ക്ക് ഇറങ്ങുമ്പോഴോ , വീടുകളില് നിന്ന് ക്യാമ്പുകളിലേക്ക് മാറുമ്പോഴോ മൊബൈല് ഫോണ് വെള്ളത്തില് വീഴാന് സാധ്യതയുണ്ട്. ഈ സമയങ്ങളില് ശ്രദ്ധിക്കേണ്ടതും, ചെയ്യാന് പാടില്ലാത്തതുമായ കാര്യങ്ങളാണ് ഇനി പറയുന്നത്.
- ഫോണ് വെള്ളത്തില് വീണാല് ഉടന് ഓണ് ആക്കരുത്. അത് ഓഫാക്കി വയ്ക്കുക, ഫോണ് പ്രവര്ത്തന ക്ഷമമാണെങ്കില് പോലും കുറച്ച് സമയം ഉപയോഗിക്കാതെ ഇരിക്കുക.
- ഉണങ്ങിയ തുണിയോ, പേപ്പറോ ഉപയോഗിച്ച് വെള്ളം തുടക്കുക.
- ഫോണ് കുലുക്കുകയോ, ബട്ടണുകള് ഞെക്കുകയോ അരുത്. അതോടൊപ്പം ഫോണിന്റെ ചാർജർ പോയിന്റിലേക്കോ മറ്റ് ഭാഗങ്ങളിലോ ഊതരുത്. ഇത് വെള്ളം അകത്തേക്ക് കയറുവാനെ സഹായിക്കൂ.
- ഫോണ് ഓഫ് ചെയ്തതിനു ശേഷം സിം, മെമ്മറി കാര്ഡ്, ബാറ്ററി എന്നിവ ഊരിവെക്കുക . (എല്ലാ ഫോണിലും ഇവ ഊരിവെക്കാന് സാധിക്കണമെന്നില്ല)
- ഡ്രയർ, മൈക്രോവേവ് എന്നിവ ഉപയോഗിച്ച് ഫോൺ ചൂടാക്കാന് ശ്രമിക്കുന്നവരുണ്ട്, ചിലര് ഫോണ് ചൂട് വെള്ളത്തില് വീണാല് ഫ്രീസറിലും വെക്കും. രണ്ടും അപകടകരമാണ്.
- ഫോണ് നല്ല ആഴമുള്ള വെള്ളത്തിലേക്കാണ് വീഴുന്നതെങ്കില് വാക്വം ക്ലീനര് ഉപയോഗിച്ച് ഫോണിനകത്തെ വെള്ളം വലിച്ചുകളയാന് ശ്രമിക്കാവുന്നതാണ്.
- ഫോണ് ഒരു ദിവസം മുഴുവനും ജലാംശമില്ലാത്ത സ്ഥലത്ത് വെച്ച് ഉണങ്ങാന് അനുവദിക്കുക. തുടര്ന്ന് സിം ഇട്ട് പ്രവര്ത്തനക്ഷമാണോയെന്ന് പരിശോധിക്കുക. പ്രവര്ത്തന രഹിതമാണെങ്കില് അടുത്തുള്ള അംഗീകൃത സര്വീസ് സെന്ററുകളെ സമീപിക്കുക.
