ഹൈദരാബാദ്: നാഗചൈതന്യയുടെയും -സാമന്തയുടെയും വിവാഹമോചനത്തെ കുറിച്ച് തന്റെ പേരില് പ്രചരിക്കുന്ന വാര്ത്തകള് വ്യാജമാണെന്ന് നാഗാര്ജുന. ആദ്യം വിവാഹമോചനം ആവശ്യപ്പെട്ടത് സാമന്തയാണ്. നാഗചൈതന്യക്ക് കുടുംബത്തിന്റെ അഭിമാനത്തെക്കുറിച്ച് ആശങ്കയുണ്ടായിരുന്നുവെന്ന് നാഗാര്ജുന പറഞ്ഞു എന്ന തരത്തിലാണ് വാര്ത്തകള് പ്രചരിച്ചത്. സാമന്തയുടെ ആവശ്യം നാഗചൈതന്യ അംഗീകരിക്കുകയായിരുന്നുവെന്നും നാഗാര്ജുന പറഞ്ഞതായി ഇന്ത്യാ ഗ്ലിറ്റ്സാണ് ആദ്യം വാര്ത്ത നല്കിയത്. എന്നാല് ഇക്കാര്യം തികച്ചും വസ്തുതാവിരുദ്ധമാണെന്നും വ്യാജവാര്ത്തകള് പ്രചരിപ്പിക്കരുതെന്നുമാണ് നാഗചൈതന്യ ട്വിറ്ററില് കുറിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
2017 ലാണ് നാഗചൈതന്യയും സാമന്തയും വിവാഹിതരാകുന്നത്. ജീവിതപങ്കാളികള് എന്ന നിലയിലുള്ള ബന്ധം അവസാനിപ്പിക്കുകയാണെന്ന് ഇരുവരും ആരാധകരുമായി പങ്കുവെച്ചത്. 10 വര്ഷത്തിലധികമായുള്ള സൗഹൃദം ഇനിയും തുടരുമെന്നും എന്നാല് ഭാര്യാ ഭര്ത്താക്കാന്മാരായി തുടരാന് തങ്ങള് ആഗ്രഹിക്കുന്നില്ലെന്നുമാണ് നാഗചൈതന്യയും സാമന്തയും സോഷ്യല് മീഡിയയില് പങ്കുവെച്ച കുറുപ്പില് വ്യക്തമാക്കിയിരുന്നത്. വേര്പിരിയലുമായുള്ള ബന്ധപ്പെട്ട പോസ്റ്റ് സാമന്ത കഴിഞ്ഞ ദിവസം ഡിലീറ്റ് ആക്കിയതും സാമൂഹിക മാധ്യമങ്ങളില് ചര്ച്ചയായിരുന്നു. വിവാഹ മോചനത്തിന് പിന്നാലെ സാമന്തക്കെതിരെ വന് സൈബര് ആക്രമണമുണ്ടായത്. എന്നാല് ഇത്തരം കമന്റുകള് ഒന്നും തന്നെ വ്യക്തിപരമായി ബാധിക്കില്ലെന്ന് അറിയിച്ച് സാമന്ത രംഗത്തെത്തിയിരുന്നു.
