കൊച്ചി: അമല് നീരദ് സംവിധാനം ചെയ്ത ഭീഷ്മപര്വ്വം ഒ ടി ടി റിലീസിന് ഒരുങ്ങുന്നു. ഏപ്രില് 1 ന് ചിത്രം ഹോട്ട്സ്റ്റാറിലൂടെയാണ് ആരാധകര്ക്ക് മുന്പില് എത്തുക. ഇപ്പോള് പുറത്തിറങ്ങിയ ഭീഷ്മയുടെ ട്രെയിലര് മികച്ച പ്രതികരണമാണ് നേടുന്നത്. മമ്മൂട്ടിയുടെ ആക്ഷന് രംഗങ്ങളുടെ മേക്കിങ് വീഡിയോയാണ് പുറത്തുവിട്ടിരിക്കുന്നത്. ഭീഷ്മപര്വ്വം മാര്ച്ച് 3 നാണ് തിയേറ്ററില് റിലീസ് ചെയ്തത്. മികച്ച പ്രേക്ഷക പ്രശംസ നേടിയ ചിത്രം ആദ്യ ദിനം മുതല് തന്നെ ബോക്സ് ഓഫീസ് കയ്യടക്കിയിരുന്നു.
2007-ൽ അമൽ നീരദിന്റെ കരിയറിലെ ആദ്യ ചിത്രമായ ബിഗ് ബി സിനിമയ്ക്ക് ശേഷം ആദ്യമായിട്ടാണ് ഇരുവരും ഒന്നിക്കുന്നത്. ഗ്യാങ്സ്റ്റര് ഡ്രാമ വിഭാഗത്തിലാണ് ചിത്രം ഒരുക്കിയിരിക്കുന്നത്. മൈക്കിള് എന്ന കഥാപാത്രത്തെയാണ് മമ്മൂട്ടി സിനിമയില് അവരിപ്പിച്ചത്. ലോക്ക് ഡൗണ് കാലത്ത് മമ്മൂട്ടി താടിയും മുടിയും നീട്ടി ഈ ചിത്രത്തിന്റെ കഥാപാത്രത്തിനായി നടത്തിയ മേക്കോവര് വന് ശ്രദ്ധനേടിയിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഫര്ഹാന് ഫാസില്, ഷൈന് ടോം ചാക്കോ, സൗബിന് ഷാഹിര്, ശ്രീനാഥ് ഭാസി, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, ശ്രിന്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്വ്വതി തുടങ്ങിയവരും സിനിമയില് പ്രധാന കഥാപാത്രങ്ങളെ അവതരിപ്പിക്കുണ്ട്. രവിശങ്കർ, ദേവദത്ത് ഷാജി, ആർ ജെ മുരുകൻ എന്നിവർ ചേർന്നാണ് സിനിമയുടെ തിരക്കഥ എഴുതിയിരിക്കുന്നത്. ആനന്ദ് സി ചന്ദ്രനാണ് ക്യാമറ കൈകാര്യം ചെയ്തിരിക്കുന്നത്. സുശിൻ ശ്യാമാണ് സംഗീത സംവിധായകൻ.