ലോകോത്തര ഫോണുകൾക്കും കമ്പ്യൂട്ടറുകൾക്കും പേരുകേട്ട കമ്പനിയായ ആപ്പിൾ മെഡിക്കല് ഉപകരണ നിര്മ്മാണ മേഖലയിലേക്കും ചുവടുവയ്ക്കുകയാണ്. ആദ്യപടിയെന്നോണം ആരോഗ്യ പ്രവര്ത്തകര്ക്കായുള്ള ഫെയ്സ് ഷീൽഡുകൾ നിര്മ്മിക്കുമെന്ന് കമ്പനി അറിയിച്ചു. ഐഷീൽഡ് എന്ന പേരിലാകും അവ അറിയപ്പെടുക. ഫെയ്സ് ഷീൽഡുകളുടെ ഡിസൈന് വര്ക്കുകള് പൂര്ത്തിയായെന്നും, ഇപ്പോള് പ്രൊട്ടക്ടീവ് ഗിയർ നിര്മ്മാണത്തിലേക്ക് പ്രവേശിക്കുകയാണെന്നും ആപ്പിൾ ചീഫ് എക്സിക്യൂട്ടീവ് ടിം കുക്ക് കഴിഞ്ഞ ദിവസം ട്വീറ്റ് ചെയ്തു.
Also Read
ആഴ്ചയിൽ ഒരു ദശലക്ഷത്തിലധികം ഐഷീൽഡുകള് നിര്മ്മിക്കാനാണ് ആപ്പിള് പദ്ധതിയിടുന്നത്. ആദ്യം യു.എസിലും പിന്നീട് ലോകമെമ്പാടും വിതരണം ചെയ്യാനാണ് പദ്ധതി. വൈറസ് കൂടുതല് പടരാതിരിക്കുക എന്ന ലക്ഷ്യത്തോടെ ലോകമെമ്പാടും 20 ദശലക്ഷം ഫെയ്സ് മാസ്കുകള് ആപ്പിള് സംഭാവന ചെയ്യും. ലോകമെമ്പാടുമുള്ള ആരോഗ്യ പ്രവര്ത്തനം ഊര്ജ്ജിതമാക്കുന്നതിന് സഹായമെന്നോണം ഇലക്ട്രോണിക്സ് കമ്പനികള് മുതല് കാര് നിര്മ്മാതാക്കള് വരെ മെഡിക്കല് ഉപകരണ നിര്മ്മാണ മേഖലയിലേക്ക് പ്രവേശിച്ചിരിക്കുകയാണ്. അക്കൂട്ടത്തിലേക്കാണ് ആപ്പിളും വരവറിയിച്ചിരിക്കുന്നത്.