കാലിഫോര്‍ണിയ: ലാന്‍ഡിംഗിനിടെ ചെറുവിമാനങ്ങള്‍ തമ്മില്‍ കൂട്ടിയിടിച്ച് രണ്ട് മരണം. വടക്കന്‍ കാലിഫോര്‍ണിയയിലാണ് അപകടം നടന്നത്. വാറ്റ്സൺവിൽ മുനിസിപ്പൽ വിമാനത്താവളത്തിൽ വൈകിട്ട് മൂന്ന് മണിയ്ക്കാണ് അപകടം നടന്നതെന്ന് അന്താരാഷ്ട്ര മാധ്യമങ്ങള്‍ റിപ്പോര്ട്ട് ചെയ്തു. സംഭവം നടക്കുമ്പോള്‍ രണ്ടു വിമാനത്തിലുമായി മൂന്ന് പേരാണ് ഉണ്ടായിരുന്നത്. രണ്ട് പേര്‍ സംഭവസ്ഥലത്തുവെച്ച് മരണപ്പെടുകയായിരുന്നു. എന്നാല്‍ മൂന്നാമത്തെയാളുടെ ആരോഗ്യസ്ഥിതിയെക്കുറിച്ച് ഇതുവരെ വിവരങ്ങളൊന്നും പുറത്തുവന്നിട്ടില്ല.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
സംഭവത്തിൽ നാഷണൽ ട്രാൻസ്പോർട്ടേഷൻ സേഫ്റ്റി ബോർഡും ഫെഡറൽ ഏവിയേഷൻ ഏജൻസിയും അന്വേഷണം പ്രഖ്യാപിച്ചു. വിമാനങ്ങള്‍ ഏറ്റവും താഴ്ന്നാണ് റണ്‍വേയിലേക്ക് ഇറങ്ങിയതെന്നും സമീപത്തുണ്ടായിരുന്നവര്‍ക്ക് അപകടമൊന്നും സംഭവിച്ചിട്ടില്ലെന്നും ഫെഡറൽ ഏവിയേഷൻ ഏജൻസി പറഞ്ഞു. കാലിഫോര്‍ണിയയില്‍ വ്യാഴാഴ്ച നടന്ന മൂന്നാമത്തെ അപകടമാണിത്. പ്രതിവർഷം 55,000 ഓപറേഷനുകൾ നടക്കുന്ന വാറ്റ്സൺവില്ലിന് നാല് റൺവെകളും 300 വിമാനങ്ങളുമുണ്ട്. എന്നാല്‍ വിമാനം ഇറക്കുന്നതിനും ടേക്ക് ഓഫ് ചെയ്യുന്നതിനുമുള്ള നിർദേശങ്ങൾ നൽകാനുള്ള കണ്ട്രോൾ ടവർ ഈ വിമാനത്താവളത്തിലില്ലെന്നും റിപ്പോര്‍ട്ടുകളുണ്ട്.
