ടി 20 ലോകകപ്പ് 2022 ലേക്ക് മാറ്റി. ഇന്ന് ചേർന്ന ഐസിസി ബോർഡ് യോഗമാണ് ഇത് സംബന്ധിച്ച് തീരുമാനം എടുത്തത്. കൊവിഡ് പശ്ചാത്തലത്തിലാണ് ലോകകപ്പ് മാറ്റിവെച്ചത്. ഈ വർഷം അവസാനം ഓസ്ട്രേലയയിലാണ് ലോകകപ്പ് നടത്താൻ നിശ്ചയിച്ചിരുന്നത്. നിലവിലെ സാഹചര്യത്തിൽ ലോകകപ്പ് നടത്താൻ യാതൊരു സാധ്യതയും ഇല്ലെന്ന് യോഗം വിലയിരുത്തി.
അതേസമയം ഐപിഎൽ മത്സരങ്ങൾ ഒക്ടോബറിൽ നടത്താനുള്ള സാധ്യത ആരായും. ലോകകപ്പ് മത്സരങ്ങൾ മാറ്റിവെക്കരുതെന്ന് പാകിസ്താൻ ആവശ്യപ്പെട്ടിരുന്നു. കൊവിഡിനെ തുടർന്ന് നേരത്തെ ഒളിമ്പിക് ഗെയിംസ് മാറ്റിവെച്ചിരുന്നു.
