ഐഎസ്എലിൽ അരങ്ങേറ്റം കുറിക്കുന്ന ഈസ്റ്റ് ബംഗാൾ ഫുട്ബോൾ ടീമിന്റെ പുതിയ ലോഗോ പ്രകാശനം ചെയ്തു. ശ്രീ സിമന്റ് ഈസ്റ്റ് ബംഗാൾ എന്നായിരിക്കും ടീമിന്റെ പേര്. എസ് സി ഈസ്റ്റ് ബംഗാൾ എന്നാണ് ലോഗോയിലെ എഴുത്ത്. ടീമിന്റെ പരമ്പരാഗത ചുവപ്പ് സ്വർണ നിറങ്ങൾ ലോഗോയിൽ ഉണ്ട്. നീല പശ്ചാത്തലത്തിൽ മഞ്ഞ നിറത്തിൽ ജ്വലിക്കുന്ന പന്തവും ലോഗോയിൽ ആലേഖനം ചെയ്തിട്ടുണ്ട്. കിഴക്കൻ ബംഗാളിന്റെ സമ്പന്നമായ പൈതൃകത്തെയാണ് ഇത് സൂചിപ്പിക്കുന്നതെന്ന് ക്ലബ് അധികൃതർ പറഞ്ഞു.
ഇംഗ്ലണ്ട് ഇതിഹാസ താരം റോബി ഫ്ലവറാണ് ടീമിന്റെ പുതിയ പരിശീലകൻ. കഴിഞ്ഞ ദിവസം കൊൽക്കത്തയിലെത്തിയ ഫ്ലവർ ക്വാറന്റൈനിലാണ്. ബ്രിസ്ബേൻ റോറിനെയാണ് 45 കാരനായ മുൻപ് ഫ്ലവർ പരിശീലിപ്പിച്ചിരുന്നത്. അടുത്ത മത്സരം അവസാനത്തോടെയാണ് ഐഎസ്എൽ മത്സരങ്ങൾ ആരംഭിക്കുക. കൊറോണ പരിഗണിച്ച് ഗോവയിൽ മാത്രമാണ് മത്സരങ്ങൾ നടക്കു. ബംഗാളിലെ മറ്റൊരു ഇതിഹാസ ക്ലബായ മോഹൻബഗാൻ എടികെയുമായി ലയിച്ച് എടികെ മോഹൻബഗാൻ എന്ന പേരിൽ ലീഗിൽ മാറ്റുരക്കും. ഐഎസ്എല്ലിന്റെ ചരിത്രത്തിൽ ആദ്യമായാണ് ഒരു സംസ്ഥാനത്ത് നിന്നും രണ്ട് ടീമുകൾ കളിക്കുന്നത്.