ക്രിക്കറ്റിൽ നിന്ന് വിരമിക്കുന്നതിനെ കുറിച്ച് ഉടനെയൊന്നും ആലോചിക്കുന്നില്ലെന്ന് പഞ്ചാബ് കിംഗ് ഇലവൻ സൂപ്പർതാരം ക്രിസ് ഗെയ്ൽ. കൊൽക്കത്ത നൈറ്റ് റൈഡേഴ്സിനെതിരായ മത്സര ശേഷം സഹതാരം മൻദീപ് സിംഗുമായി സംസാരിക്കുകയായിരുന്നു ഗെയ്ൽ. ഒരിക്കലും റിട്ടയർ ചെയ്യരുതെന്ന് മൻദീപ് സിംഗിന്റെ അഭിപ്രായത്തോട് പ്രതികരിക്കുകയായിരുന്നു ഗെയ്ൽ. കൊൽക്കെതിരായ മത്സരത്തിൽ ഇരവരും ചേർന്നാണ് പഞ്ചാബിനെ വിജയത്തിലെത്തിച്ചത്.
ടി20 യിലെ എക്കാലത്തെ മികച്ച താരമാണ് ഗെയ്ലെന്ന് മത്സര ശേഷം വാർത്താ സമ്മേളനത്തിൽ മൻദീപ് സിംഗ് പറഞ്ഞു. ഗെയ്ൽ വിരമിക്കരുത്, അദ്ദേഹം ഒരിക്കലും റൺസ് നേടുന്നതിനായി ബുദ്ധിമുട്ടുന്നത് കണ്ടിട്ടില്ലെന്നും മൻദീപ് അഭിപ്രായപ്പെട്ടു.
8 വിക്കറ്റിനാണ് പഞ്ചാബ് കൊൽക്കത്തയെ മറികടന്നത്. പഞ്ചാബിനായി ഓപ്പണറായി ഇറങ്ങിയ മൻദീപ് 66 റൺസെടുത്ത് പുറത്താവാതെ നിന്നു. ഗെയ്ൽ 51 റൺസെടുത്തു. 6 സിക്സും 2 ഫോറും ഉൾപ്പെട്ടതായിരുന്നു ഗെയ്ലിന്റെ ഇന്നിംഗ്സ്. ഐപിഎല്ലിൽ പഞ്ചാബിന്റെ തുടർച്ചയായ അഞ്ചാം ജയമാണിത്. ജയത്തോടെ പഞ്ചാബ് പ്ലേ ഓഫ് സാധ്യതകൾ സജീവമാക്കി.
