ആപ്പിൾ മാക് സീരിസിൽ പുതിയ 3 ലാപ്പ് ടോപ്പുകൾ പുറത്തിറക്കി. മാക്ബുക്ക് എയർ, മാക്ബുക്ക് പ്രോ, മാക് മിനി എന്നീ ലാപ്ടോപ്പുകളാണ് അവതരിപ്പിച്ചത്. കാലിഫോർണിയയിലാണ് ഇവ പുറത്തിറിക്കിയത്. ആപ്പിളിന്റെ പുതിയ സിലിക്കൺ ചിപ്പ് എം 1 ആണ് ഇവയിൽ ഉപയോഗിച്ചിരിക്കുന്നത്.
13 ഇഞ്ച് റെറ്റിന ഡിസ്പ്ലേ, ടച്ച് ഐഡി, കൂടുതൽ ബാറ്ററി ലൈഫ് എന്നിവയുമായാണ് പുതിയ എയർ വരുന്നത്. പുതിയ ഉത്പന്നമായ 13 ഇഞ്ച് മാക്ബുക്ക് പ്രോ ക്ക് 1300 ഡോളറാണ് വില. 8 കെ ഫുൾ റെസല്യൂഷൻ പ്ലേബാക്ക്, ആക്റ്റീവ് കൂളിംഗ്, 20 മണിക്കൂർ വരെ വീഡിയോ പ്ലേബാക്ക് എന്നിവയാണ് മാക്ബുക്ക് പ്രോയുടെ പ്രത്യേകതകൾ. 700 ഡോളറാണ് മാക് മിനിയുടെ വില.
പുതിയ സീരിസിൽ മൂന്നിരട്ടി വേഗതയാണ് ആപ്പിൾ വാഗ്ദാനം ചെയ്യുന്നത്. ഗ്രാഫിക്സും ആറ് മടങ്ങ് വേഗതയുള്ളതാണ്, ഇത് സുഗമമായ വീഡിയോ ഗെയിമിങ്ങിന് ഇത് ഉപകരിക്കും. പുതിയ മാക് മിനിയിൽ തണ്ടർബോൾട്ടിനെ പിന്തുണയ്ക്കുന്ന രണ്ട് യുഎസ്ബി-സി പോർട്ടുകൾ ഉണ്ടാകും. ഇവയുടെ ബുക്കിംഗ് അടുത്തയാഴ്ച ആരംഭിക്കും.