ഇന്ത്യയിലെ വാട്സ്ആപ്പ് പ്രേമികള് ഏറെ പ്രതീക്ഷയോടെ കാത്തിരുന്ന ‘ഡാർക്ക് മോഡ്’ ഫീച്ചര് കഴിഞ്ഞ ദിവസം അവതരിപ്പിച്ചു. ഇന്ത്യയില് 400 ദശലക്ഷത്തിലധികം ഉപയോക്താക്കള് ഉള്ള വാട്സ്ആപ്പ് ഫെയ്സ്ബുക്കിന്റെ ഉടമസ്ഥതയിലുള്ള കമ്പനിയാണ്. വാട്സാപ്പിന്റെ ഏറ്റവും പുതിയ അപ്ഡേറ്റിലാണ് ഡാര്ക്ക് മോഡുള്ളത്. നിങ്ങളുടെ ഫോണില് ഡാര്ക്ക് മോഡ് ലഭിക്കാന് ഗൂഗിള് പ്ലേ സ്റ്റോറില് നിന്നോ ആപ്പിള് ആപ്പ് സ്റ്റോറില് നിന്നോ വാട്സാപ്പ് അപ്ഡേറ്റ് ചെയ്യുക.
രാത്രിയിൽ വാട്ട്സ് ആപ്പ് ഉപയോഗിക്കുമ്പോൾ മുഖത്തേക്കടിക്കുന്ന ശക്തമായ വെള്ള വെളിച്ചം നമ്മെയെല്ലാം അലോസരപ്പെടുത്തിയിട്ടുണ്ട്. ഇതിന് പ്രതിവിധിയാണ് പുതിയ ഫീച്ചർ. വാട്ട്സ് ആപ്പിൽ ഡാർക്ക് മോഡ് എനേബിൾ ചെയ്യുന്നതോടെ ഈ പ്രശ്നത്തിന് ഒരു പരിഹാരമാകും. അപ്ഡേറ്റ് ചെയ്തിട്ടും നിങ്ങള്ക്ക് ഡാര്ക്ക് മോഡ് കിട്ടുന്നില്ലെങ്കില് അല്പം കൂടി കാത്തിരിക്കേണ്ടിവരും. കാരണം ഘട്ടം ഘട്ടമായാണ് ഡാര്ക്ക് മോഡ് ഉപയോക്താക്കളിലേക്ക് എത്തിക്കുന്നത്.
സ്ക്രീനിന്റെ തിളക്കം കുറയ്ക്കുകയും ദൃശ്യതീവ്രതയും വായനാക്ഷമതയും മെച്ചപ്പെടുത്തുകയും ചെയ്യുന്ന പ്രത്യേക ഇരുണ്ട ചാരനിറത്തിലുള്ള പശ്ചാത്തലവും മികച്ച അനുഭവമാണ് സമ്മാനിക്കുന്നത്. Android 10, iOS 13 എന്നിവയിലെ ഉപയോക്താക്കൾക്ക് സിസ്റ്റം സെറ്റിംഗ്സില് പോയി ഡാർക്ക് മോഡ് ഓണ് ചെയ്താല് മതി. Android 9-ലും അതിനുശേഷമുള്ള പതിപ്പുകളിലുമുള്ള ഉപയോക്താക്കൾ വാട്ട്സ്ആപ്പ് സെറ്റിംഗ്സ് തുറക്കുക. അതില് 'Chats' എന്നത് തിരഞ്ഞെടുക്കുക. അതില് 'Theme' എന്ന ഓപ്ഷന് തുറന്നാല് സിസ്റ്റം ഡിഫോള്ട്ട്, ലൈറ്റ്, ഡാര്ക്ക് എന്നിവ കാണാം.