ലിജോ ജോസ് പെല്ലിശ്ശേരി ചിത്രമായ ചുരുളി ഒടിടി റിലീസിലേക്ക് സൂചന. ചിത്രം ആമസോണ് പ്രൈമിലൂടെ ജൂണിലാകും പ്രേക്ഷകര്ക്ക് മുന്പിലെത്തുമെന്നാണ് കരുതുന്നത്. ലിജോ ജോസ് പെല്ലിശേരീസ് മൂവി മൊണാസ്ട്രിയും, ചെമ്പോസ്കിയും ഒപസ് പെന്റ് യുമായി ചേർന്നാണ് ചിത്രം നിർമിക്കുന്നത്.
കാടിന്റെ പശ്ചാത്തലത്തില് നിര്മ്മിച്ച ചിത്രം, ഇരുപത്തിയഞ്ചാമത് അന്തരാഷ്ട്ര ചലച്ചിത്ര മേളയില് മികച്ച പ്രേക്ഷക പ്രീതി നേടിയിരുന്നു. ഇ.മ.യൗ, ജല്ലിക്കെട്ട് എന്നീ ചിത്രങ്ങളെപ്പോലെ തന്നെ പ്രേക്ഷകര് ചുരുളിയിലും പ്രതീക്ഷയര്പ്പിക്കുന്നുണ്ട്. ചുരുളിയുടെ തിരക്കഥ എഴുതിയിരിക്കുന്നത് എസ്.ഹരീഷാണ്. ജോജു, ചെമ്പന് വിനോദ്, വിനയ് ഫോര്ട്ട്, തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. സൗബിന് ഷാഹീര്, ജാഫര് ഇടുക്കിയും ചിത്രത്തിലുണ്ട്.
കാടിന്റെ ദൃശ്യ ,ശബ്ദ കാഴ്ചകള് മധു നീലകണ്ഠന്റെ ക്യാമറയിലാണ് പെല്ലിശ്ശേരി പകര്ത്തിയിരിക്കുന്നത്. ശ്രീരാഗ് സജിയും എഡിറ്റര് ദീപു ജോസഫും സംഗീതം നിര്വ്വഹിച്ചിരിക്കുന്നത്.