ഐസ് കട്ട കൊണ്ട് നിര്മ്മിച്ച ലോകത്തിലെ ആദ്യത്തെ ഹോട്ടല്. സ്വീഡനിലെ ലാപ്ലാന്റിയിലെ യുക്കസ്യാര്വി എന്ന ചെറിയ നദീതീര ഗ്രാമത്തിലാണ് ഈ ഹോട്ടലുള്ളത്. ഐസ് ഹോട്ടല് 365 എന്നാണ് ഇത് അറിയപ്പെടുന്നത്. ഈ പ്രദേശത്തേക്ക് ടൂറിസ്റ്റുകളെ ആകര്ഷിക്കുന്നതിന്റെ പ്രധാനകാരണം ഈ ഹോട്ടലാണ്. ഇവിടുത്തെ താപനില സ്ഥിരമായി മൈനസ് 5 ഡിഗ്രീ സെല്ഷ്യസിലാണ് ക്രമീകരിച്ചിരിക്കുന്നത്. വേനല്ക്കാലത്ത് ഹോട്ടലിനെ തണുപ്പിക്കുവാന് റഫിജറെറ്റിംഗ് സംവീധാനം ഇതിന്റെ അടുത്ത് തന്നെ ഒരുക്കിയിട്ടുണ്ട്.
ഹോട്ടലിന്റെ തറയും, തൂണുമൊക്കെ ഐസ് കട്ട കൊണ്ടാണ് നിര്മ്മിച്ചിരിക്കുന്നത്. ഇതിനായി ഒരു വര്ഷം 4000 ടണ് ഐസാണ് ശേഖരിക്കപ്പെടുന്നത്. താപനില പൂജ്യം ആകുമ്പോളാണ് ഈ ഹോട്ടലിന്റെ അറ്റകുറ്റപ്പണികള് നടത്തുക. ഇതിനായി അടുത്തുള്ള ടോണ് നദിയെയാണ് ഐസ് കട്ടകള്ക്കായി ആശ്രയിക്കുന്നത്. എല്ലാ ദിവസവും പ്രവര്ത്തിക്കുന്ന ഈ ഹോട്ടലില് 50 ലധികം മുറികളുണ്ട്. കൂടാതെ വിവാഹം നടത്താനുള്ള ചാപ്പലുമുണ്ട്. ഒരു ഐസ് ബാറും ഇവിടെയുണ്ട്.
ചൂടുകാലത്തും ഈ ഹോട്ടല് ഉരുകില്ല. ഇതിന്റെ അടിത്തറ സിമന്റും, കമ്പിയും വെച്ചാണ് നിര്മ്മിച്ചിരിക്കുന്നത്. വേനല്ക്കാലത്ത് ഇത് ഒരുകി ഒലിച്ച് പോകാതിരിക്കാനായി മേല്ക്കൂരയ്ക്ക് 20 സെന്റിമീറ്റര് ഇന്സുലേഷനും നല്കിയിട്ടുണ്ട്.
