പള്ളികളിലെ കൊയറും പ്രാര്ത്ഥനാ സംഘങ്ങളും ഒഴിവാക്കണമെന്നും പകരം, റെക്കോര്ഡുകള് ഉപയോഗിക്കാമെന്നും മാര്ഗ നിര്ദ്ദേശത്തില് പറയുന്നു. പ്രാര്ത്ഥന നടത്തുമ്പോള് എല്ലാവരും ഉപയോഗിക്കുന്ന പൊതു പായ ഒഴിവാക്കണം. 65 വയസു കഴിഞ്ഞവരും കുട്ടികളും ആരാധനാലയങ്ങളില് പോകരുത്.
കൊവിഡ് ലക്ഷണങ്ങളില്ലാത്തവരെയും വ്യാപകമായി പരിശോധിക്കാൻ ഐസിഎംആർ നിർദ്ദേശിച്ചു. സെറോളജിക്കൽ സർവ്വേ നടത്താനാണ് സംസ്ഥാനങ്ങൾക്ക് നിർദ്ദേശം നൽകിയിരിക്കുന്നത്. ജനസാന്ദ്രത കൂടിയ മേഖലകളിൽ ആദ്യഘട്ട പരിശോധന നടത്താനാണ് തീരുമാനം.
മിക്ക ജില്ലകളിലും ഹോട്ട്സ്പോടുകള് ഉള്ളതിനാല് പൊതുഗതാഗതം ജില്ലകള്ക്ക് പുറത്തേക്ക് ഉടന് അനുവദിച്ചേക്കില്ല. ആരാധനാലയങ്ങള് തുറക്കണമെന്ന ആവശ്യം ഇതിനകം ശക്തമായിട്ടുണ്ട്. നിയന്ത്രണങ്ങളോടെ ആരാധനാലയങ്ങള് തുറക്കാനുള്ള അനുമതി നല്കിയേക്കും.