കര്ഷക പ്രതിഷേധത്തില് കേന്ദ്രവും പ്രതിപക്ഷവുമായുളള ചര്ച്ചയില് സമവായം. രാജ്യസഭയില് പതിനഞ്ച് മണിക്കൂര് കര്ഷകരുടെ പ്രശ്നങ്ങള് ചര്ച്ച ചെയ്യും. പ്രതിപക്ഷത്തിന്റെ ആവശ്യം അംഗീകരിച്ചതായി പാര്ലമെന്ററി കാര്യ മന്ത്രി പ്രഹദ് ജോഷി അറിയിച്ചു.
വിവാദ കാര്ഷിക നിയമങ്ങള്ക്കെതിരായി ഡല്ഹിയില് പ്രതിഷേധിക്കുന്ന കര്ഷകരെ പിന്തുണച്ച് പ്രശസ്ത പരിസ്ഥിതി പ്രവര്ത്തക ഗ്രേറ്റ തന്ബര്ഗ്. ഇന്ത്യയിലെ കര്ഷക പ്രതിഷേധത്തിന് ഞങ്ങള് ഐക്യദാര്ഢ്യം പ്രഖ്യാപിക്കുന്നു എന്നാണ് ഗ്രെറ്റ ട്വീറ്റ് ചെയ്തത്
ഡല്ഹി ഇസ്രായേല് എംബസിക്കു സമീപമുണ്ടായ സ്ഫോടനത്തെ അപലപിച്ച് പ്രധാനമന്ത്രി. സ്ഫോടനത്തിനു പിന്നിലുളളവരെ കണ്ടെത്തുമെന്ന് പ്രധാനമന്ത്രി നരേന്ദ്രമോദി ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവിനെ അറിയിച്ചു.
മ്യാന്മറിലേക്കുളള അനാവശ്യ യാത്രകള് ഒഴിവാക്കാനാവശ്യപ്പെട്ട് മ്യാന്മറിലെ ഇന്ത്യന് എംബസി. മ്യാന്മറിലെ നിലവിലെ സാഹചര്യം കണക്കിലെടുത്ത് എല്ലാ ഇന്ത്യന് പൗരന്മാരും കൃത്യമായ മുന്കരുതലുകളെടുക്കുകയും അനാവശ്യ യാത്രകള് ഒഴിവാക്കുകയും ചെയ്യണമെന്ന് ഇന്ത്യന് എംബസി വെബ്സൈറ്റിലൂടെ അറിയിച്ചു.
കാര്ഷിക സമരത്തില് കേന്ദ്രത്തിനെതിരെ വീണ്ടും വിമര്ശനമുന്നയിച്ച് രാഹുല് ഗാന്ധി. ഡല്ഹി അതിര്ത്തികളില് സമര ഭൂമികള്ക്ക് സമീപം സ്ഥാപിച്ചിട്ടുളള ബാരിക്കേഡുകളുടെയും ഇരുമ്പുവേലികളുടെയും ചിത്രങ്ങള് പങ്കുവച്ചാണ് രാഹുലിന്റെ വിമര്ശനം.